More on Roy Dupuis, and a bit of history, politics and everything...

放假得閒都唔係淨係睇Bollywood ge~~~~ 好似啱啱睇完ge LFN --> 好唔捨得ge情況之下, 終於睇埋Season 5果8集. 懷念LFN, 於是睇緊Roy Dupuis ge其他作品. (我都想睇Peta Wilson. 不過佢無其他...........) 今日睇左ge 係Shake Hands With the Devil. 呢套戲講Rwanda1994年ge種族屠殺(genocide). 如果有稍稍留意Hollywood主流以外ge外語電影, 都會知道非洲問題咁多年都比人拍到爛. Rwanda1994年發生ge又有咩野咁特別? Rwanda呢一場Disaster係聯合國維和部隊駐守下發生. 呢個係聯合國peacekeeping一個significant  failure. 當年Rwanda開始出現Genocide ge時候, 聯合國安全理事會授權派維和部隊到當地駐守. (UN裏面只有安理會有權授權派兵.) 負責當年UNAMIR peackeeping force係General Romeo Dallaire. (即係Roy Dupuis係戲裏面portray ge角色.) 呢套戲basically都係講番General Dallaire係Rwanda ge經歷, 係Based on General Dallaire本人所寫ge同名著作改編. Poster of the movie Cover of the book 係未開始接觸呢方面ge知識, 我都以為UN大晒. 所有conflicts只要UN出手一定可以擺平. 但其實UN都不過係Politics ge一個平台, 尤其是安理會. 點解UNAMIR會失敗呢? 首先要明白UNAMIR, 以及所有聯合國所授權ge軍隊ge組成. 雖然安理會授權派兵, 但UN本身係無軍隊. 所派ge軍隊都係由成員國contribute. 好似General Dallaire - 佢本身係Canadian. UNAMIR裏面有比利時軍隊, 有Bangladesh軍隊. 如果成員國唔肯派兵/或者派好少兵, 同埋唔肯出武器同物資, 維和部隊係無辦法operate. UNAMIR exactly就係一個咁ge情況. 美國係索馬里行動死左十幾個美軍, 怕國內民眾反彈, 所以呢次反對派兵去Rwanda. 而且發動Genocide ge胡圖族人有法國人撐腰. 胡圖族叛軍ge武器同物資好obvious係由法國提供. UNAMIR行動有好大限制係因為要保持中立, 而且有命令唔可以take positive action, 除非遇襲. 咁即係佢地唔可以主動保護D被屠殺ge平民. 另一個難處係UNAMIR駐守係Kigali (Rwanda守都)其中一個好細ge部份. 但係駐守範圍兩邊就係2個不同陣營佔領. 當時Rwanda ge政府己經唔能夠function. 但鄰近國家ge圖西族人就有一支軍隊對抗屠殺圖西族人ge胡圖族人. 戲裏面會見到General Dallaire經常同不同陣營談判. 起初General Dallaire ge任務係幫助佢地達成停火協議. 但失敗左. 2邊都唔著緊-- 因為胡圖族人以民兵為主, 人數眾多. (呢個係佢地可以係極短時間有系統地屠殺大量圖西族人. 而且可以見到戲裏面佢地係唔係正式軍隊.) 而鄰國ge圖西族軍中係well-trained ge軍隊, 唔怕同你打過. 成件事係好uncivilized/barbaric. 尤其是胡圖族人屠殺圖西族人ge方法. 佢地係用Machete去砍殺. (好大把刀, 但係望落又好似有少少生锈果種.....) 好殘忍. UNAMIR後來比UN命令撤軍, 但係General Dallaire同埋一班自願留低ge軍隊繼續留守. (比利時軍死左十幾個人之後, 就全部撤軍. 但佢地當時係軍隊佔唔少.) 因為係佢地佔領ge地方, 有好多圖西族難民避難, 如果UNAMIR走的話, 佢地就一定會全部比叛軍殺死. (當時有幾個spot收留左好多圖西族人- 戲裏面ge運動場, 同埋2間醫院.) 可能有人會以為UNAMIR"爛船都有三根釘 ‘, 但事實上當時情況真係好差. 佢地當時只係剩低2架無壞ge車, 又經常唔夠燃料. 連比人ge食物都短缺. 因為聯合國應承左比UNAMIR ge budget一直都未到佢地手.   後來多左人關注, 聯合國決定增兵. 法國就即刻派兵執行 ‘維和任務’. 實情係法國人同發動Genocide ge 胡圖族叛軍有利益關係, 想借呢個機會幫佢地逃走. 因為如果呢班人被捉到的話, 會被當成戰犯, 要受審. (Genocide係國際法裏面係戰爭罪行.)   套戲真實度極之高. 就連戲裏面用ge無線電通訊代號都同當年一模一樣. 但係就無講UNAMIR同NGO合作.   我知道係因為啱啱睇完一本同Rwandan genocide有關ge書, 作者係MSF (無國界醫生) ge ex-president. 書裏面提到UNAMIR, MSF同埋其他NGO合作. 有時NGO手上人力以外ge資源比UNAMIR仲要多........... 當時好恐怖. 記得Dr Orbinski (作者)係documentary講過佢係醫院ge情況. 醫院會比人炸, 又overload, 因為收留左好多逃難ge人. 而佢係醫院裏面都可以聞到血ge味道, 因為(醫院外面)死ge人太多...........   Roy Dupuis演出無咩太特別. 不過呢種角色, 唔需要好出色, 觀眾自己用心感受la.   遲D會睇埋Roy Dupuis另一套作品, 講Ice hockey.