不過都循例介紹下.
1) Arthur-
來自荷蘭Amsterdam, 雖然大家都係21歲, 但係佢連大學都未開始讀. take緊gap year,
黎印度之前係澳洲同印尼旅行左8個月. 到左Udaipur見到佢初初好開心, 因為由落機到Udaipur都未見過一個non-Indian.
佢有時好癲, 會做D危險野, 又無咩分寸. (eg.無lala走左去飲酒, 仲叫埋D唔識ge人一齊食飯/ 亂咁搭順風電單車)
有一期唔係好理佢. 但當Hannah黎到之後有對比, 就覺得其實我寧願同呢個癲癲地但心地好, 可以take it easy
ge人一齊spend time. 佢真係好"神". 之後可以再講下.......
2) Vijay & Manish-
佢地係同學, 所以都係孖公仔. 嘩, 多野講lor, 無咩好野. 唔想好似成日講人壞話, 睇下有無心情寫la.
可以講ge係Manish煮飯好好食, 同埋跳舞好勁, 可以跳Dhoom 2開頭Hrithik Roshan果隻舞! 一模一樣!
3)
Ravi - 呢個friend底ge. 係Delhi讀緊大學, 細過我地2,3年不過的確係一個好聰明ge小朋友.
佢係我係dorm裏面唯一一個我可以用正常英文溝通 (用英文講笑都明ar,係dorm裏面好難得), 又唔介意同佢傾認真謁ge印度男仔.
記得第一次落field要搵人幫我translate, 佢就肯陪我去. 有時佢見到我一個人出去買野, 又會陪埋一齊去. (唔好亂諗野,
佢只係同Dorm裏面其他印度女仔一樣對於我係over-protective...... 佢地盡量唔比我一個人出去, 驚我比人呃)
佢係好人ge, 不過好selective! 呢個人好鬼醒目, 觀人於微到極點, 有時佢observant到我覺得佢得人驚!
係背後講人是非可以好mean :P (但佢又無講錯ga wor)
我地2個都係無咩野做, 但可能都係D男女唔玩得太埋果D野, 我地2個多數都係走廊傾謁, 仲要無聊到明明係隔離房都要SMS........
呢個人最為人熟悉ge事就係每時每分每秒都係講緊電話. (當然誇張左少少....) 佢有3個電話, 比Lipika笑佢有3個女朋友! (其實佢地好多人都有起碼2部電話, 因為唔同省有唔同電話number+唔同電話費)
4)
Tore - 佢係德國人, 超sweet超sweet ge一個男仔. 超鍾意佢! 可能因為佢仲要大我地幾年, 所以真係mature D.
而且, 佢都好識照顧同佢一齊ge人. 悶悶地時會講下笑, 又會deal with所有麻煩野. 同佢一齊, 對我黎講係好輕鬆.
因為我係最早到Udaipur ge外國人, 所以開頭我都會主動帶路, 搭車講價, 買車票etc. 後來其實大家都識呢D野點樣做,
但都唔會主動做, "橋"埋手係度等. 有時我會有D忟忟地......... Tore係度的話會主動做晒所有野:) 同埋佢識ge
Hindi多過我, 又係男仔, 要問人野時方便得多. (Rajasthan D人都真係好保守, 係女仔做好多野都唔方便.
人地會好避忌同你講野/唔想同你講野) 好鍾意佢好鍾意佢 :)
5) Joe - 韓國人樣但係美國出世, 係Princeton讀緊Sociology. 讀得Princeton當然係聰明ge小朋友, 但又無typical精英果種ge俗氣. okay nice, 不過唔係特別夾, 交流少D.
6)
Mayank - 差D忘記左......... Mayank係我好想去ge TISS讀緊Social Work Master! 佢係一個奇人,
有好多好特別ge經歷. 佢同Priyanka好friend, 所以我都可以食到佢煮ge野. (當Dorm裏面仲係印度人多ge時候,
係會一齊食飯) 超~好食! 個個都話其實佢應該將煮野變成佢ge職業! 佢好nice, 好關心其他人. 其實我同佢唔熟,
但佢知道我要落field ge時候, 會主動提我要拎D咩野去, 有咩野要注意. 又係一個關心社會ge人, 好可惜無咩機會同佢傾謁,
如果唔係我諗我可以學到更多野.
7) 唔係好熟ge人-
其實我地果度有3個dorm, 我地果個係中間la, 另外一個dorm我覺得住唔到人, 但好多人都係果度住左好耐.......... 佢地有時都會過黎hang out.
Mike - 英國人, 同Francesca一齊跟英國一個volunteer agency黎ge. okay la.......有D野我唔係好認同, 但一大班人一齊玩都無咩野.
Oliver - 都係英國人. 金融海嘨比人裁員, 就去左南美旅行左3個幾月, 跟住決定黎印度攞development work經驗, 希望可以轉行. 好nice好easy going.
Andrew - Typical美國人. 不過除左有時講野怪怪地, 都係一個好人!
Austine! - 要加個感嘆號比Austine! 超正! 佢係肯雅人, 拎到scholarship去美國讀大學. (同Andrew同校) 讀Political Science, 見多識廣, 會講好多非洲野比我地聽.
Arthur, Manish, Me, Vijay (呢個時候己經係人丁單薄..........)
Crazy Rickshaw Photos - 呢個差唔多成為我地ge習慣. 因為成個dorm一齊出去玩, 如果搭唔到shared auto
(5Rs@person), 我地唔想搭2架Rickshaw, 就會夾硬坐晒咁多個人入一架Rickshaw. 跟住大家就會影相.
有一晚去戲院睇完Kambakht Ishq之後~
拎住水樽ge係Joe, Francesca, Oliver
Joe, Francesca
呢張拍到多D人: Joe, Francesca, Oliver, Hannah (仲有我, 佢我左邊ge Julika, 仲有前座ge Mike同埋司機!!!!!!!!!!!!!! Total:8!)
沒有留言:
張貼留言